Në vendet ku pak javë më parë ishte mbjellë buka e sivjetme, tani toka po digjet nga zjarret e qëllimshme që përsëriten çdo sezon pas korrje-shirjeve. Autorët shpesh mbeten pa u ndëshkuar, pavarësisht rrezikut që shkaktojnë për tokën dhe zonat përreth, përfshirë edhe rrezikun për zonat industriale dhe rrugët nacionale. Ekspertët shpjegojnë se djegia shkatërron deri në 90% të mikroflorës aktive në shtresën sipërfaqësore të tokës dhe çliron monoksid karboni, duke rrezikuar shëndetin publik dhe sigurinë rrugore. Për më tepër, nxehtësia e zjarrit mbyt mikroorganizmat e dobishëm dhe eliminon lëndët organike, duke detyruar bujqit të përdorin më shumë plehra artificiale dhe duke kontribuar ndjeshëm në ndotjen e ajrit.