Sot në mesditë, zjarrfikësit në Deçan ndërhynë për të shuar dy vatra zjarri në zonat e Kodralisë dhe Podit të Gështenjave. Zjarret u shkaktuan nga persona të panjohur që ndezën zjarr për pastrimin e varrezave dhe gështenjave, pavarësisht temperaturave të larta që rrisnin rrezikun e përhapjes së flakëve. Falë reagimit të shpejtë të zjarrfikësve dhe njoftimit të menjëhershëm nga qytetarët, zjarret u lokalizuan dhe u shuan pa u përhapur më tej. Autoritetet bëjnë thirrje të forta për shmangien e ndezjes së zjarreve në ambiente të hapura gjatë periudhave me temperatura të larta për të parandaluar dëme të mëdha.