Gjatë 24 orëve të fundit në Maqedoni janë regjistruar 31 zjarre në sipërfaqe të hapura, nga të cilat 23 janë shuar plotësisht, ndërsa tetë mbeten aktive në tetë komuna të ndryshme. Zjarret aktive po digjin bimësi të ulët, pyje me kërcell të ulët dhe të përzier, si dhe shkurre në rajone si Prilep, Studeniçan, Makedonski Brod, Kërçovë, Vrapçisht, Mavrovë, Rostushë dhe Zelino. Në disa raste, zjarret kanë prekur edhe zona me pemishte dhe ndërtesa të vjetra, si në rajonin e Gostivarit pranë fshatit Tenovë. Autoritetet vazhdojnë monitorimin dhe menaxhimin e situatës për të parandaluar përhapjen e mëtejshme të flakëve.