Në qarkun e Shkodrës, disa vatra zjarri vijojnë të jenë aktive, duke përfshirë zonat e Bardhaj–Myselim, Vau-Dejës, Naraç dhe Pukë, ku era e fortë favorizon përhapjen e flakëve. Ndërhyrjet e forcave zjarrfikëse dhe strukturave të emergjencës kanë mundësuar vënien nën kontroll të zjarrit në Bërdicë dhe shuarjen e tij në Fushë-Arrëz, por disa zona mbeten të vështira për t’u aksesuar. Operacionet në terren vijojnë me angazhim të plotë nga Ministria e Zhvillimit Shëndetësor, Forcat e Armatosura, Shërbimi Pyjor dhe Emergjencat Civile, ndërsa prefektura koordinon pa ndërprerje për të mbrojtur banesat dhe qytetarët. Situata mbetet dinamike dhe monitorohet në mënyrë të vazhdueshme, me një vijë zjarri që shtrihet në mbi 10 kilometra në kurorën pyjore, por deri tani nuk raportohet rrezik për banesat.