Në rajonin e Atikës në Greqi, zjarret kanë shkatërruar mbi 150 shtëpi, duke shkaktuar dëme të mëdha materiale dhe duke vënë në alarm autoritetet lokale. Rruga që lidh Porto Germenon me Pasathan mbetet e bllokuar nga policia për shkak të rrezikut të përhapjes së zjarrit, ndërsa në këtë zonë ndodhet edhe helikopteri i rrëzuar kohët e fundit, ku humbën jetën dy pilotët dhe po vazhdon ekspertiza lidhur me ngjarjen. Ndërsa në Psatha situata është rikthyer gradualisht në normalitet, numri i pushuesve mbetet i ulët për shkak të frikës nga zjarret. Rajoni i Atikës perëndimore vazhdon të jetë një nga zonat më të rrezikuara nga zjarret e mëdha çdo vit, duke kërkuar masa të vazhdueshme gatishmërie dhe ndërhyrjeje.