Në Ditën Ndërkombëtare të Zjarrfikësve, Drejtoria për Siguri dhe Emergjenca e Prishtinës ka nderuar punën e zjarrfikësve të kryeqytetit, të cilët gjatë vitit 2025 kryen 3020 intervenime në situata të ndryshme emergjente. Këto ndërhyrje përfshijnë zjarre në banesa dhe biznese, aksidente rrugore, përmbytje dhe ndërhyrje teknike të tjera, ku reagimi i shpejtë ka qenë vendimtar për shpëtimin e jetëve dhe parandalimin e tragjedive. Drejtoria thekson se zjarrfikësit punojnë në kushte të rënda dhe shpesh të paparashikueshme, duke treguar profesionalizëm, disiplinë dhe përkushtim maksimal, madje edhe kur rrezikojnë jetën e tyre. Ky profesion përshkruhet si një mision dhe një vendim për të qenë gjithmonë në shërbim të qytetarëve, me zemër dhe përgjegjësi të lartë.