Sot në mëngjes në lokacionin Vlladaja të Komunës së Dojranit në Maqedoni shpërtheu një zjarr i madh në një mal me dru bredhi, i cili vazhdon të jetë aktiv dhe po përhapet për shkak të erës. Në vendngjarje janë angazhuar dy automjete zjarrfikëse nga kompania vullnetare "Dojran" me pesë zjarrfikës, një automjet special nga Departamenti i Zjarrfikësve të Gjevgjelisë me tre zjarrfikës, si dhe një automjet policor për sigurimin e zonës. Pavarësisht përhapjes së zjarrit në disa drejtime, ai ende nuk ka kaluar kufirin drejt Greqisë, megjithëse është shumë pranë tij. Mediat greke nga Kukushi kanë raportuar për zjarrin, i cili është i dukshëm nga ana e tyre e kufirit, duke ngritur shqetësime për situatën në zonë.