Një zjarr i madh ka përfshirë zonën pyjore pranë fshatit Miletinë në komunën e Bërvenicës, duke kërcënuar përhapjen e flakëve drejt vendbanimit. Për shkak të terrenit të paarritshëm dhe erës së fortë, ndërhyrja e zjarrfikësve është shumë e vështirë, ndaj Drejtoria për Mbrojtje dhe Shpëtim ka angazhuar dy avionë “Er Tractor” për të ndihmuar në kontrollimin e zjarrit. Në terren janë edhe ekipet e Tetovës, të cilët përpiqen të vënë nën kontroll situatën kritike. Gjithashtu, një zjarr tjetër në lokalitetin Ramno të Malit të Zi të Shkupit vazhdon prej dy ditësh, duke shkaktuar shqetësim për qytetarët për shkak të erës së fortë dhe tymit që përhapet në disa pjesë të Shkupit.