Një zjarr i madh pranë fshatit Graçan vazhdon të jetë aktiv dhe po përhapet në territorin e Maqedonisë dhe Kosovës, duke kërkuar ndërhyrje intensive nga ajri. Helikopterët e ushtrisë dhe policisë, së bashku me “air tractor”-ët e Drejtorisë për Mbrojtje dhe Shpëtim, po mbështesin zjarrfikësit në terren për të ndaluar përhapjen e flakëve. Helikopterët mbushin ujë në grykëderdhjen e lumit Lepenc në Vardar për të shuar zjarret, ndërsa ekipet me automjete “Pinzgauer” po punojnë në koordinim për të menaxhuar situatën. Gjatë 24 orëve të fundit janë regjistruar 31 zjarre në hapësirë të hapur në rajon, ku vetëm një prej tyre mbetet aktiv, ndërsa shumica janë shuar ose janë nën kontroll.