Një avion i kompanisë Turkish Airlines, me rreth 288 persona në bord, u përfshi nga një zjarr i vogël gjatë uljes në aeroportin e Kathmandu. Flakët shpërthyen në marshin e uljes së pasëm të djathtë të avionit Airbus A330-300, i cili kishte fluturuar nga Istanbul drejt Katmandusë. Të gjithë pasagjerët dhe ekuipazhi u evakuuan në mënyrë të sigurt, pa asnjë të lënduar, ndërsa aeroporti u mbyll përkohësisht për rreth një orë për të menaxhuar situatën. Autoritetet e aviacionit civil të Nepalit dhe ekipet e emergjencës ndërhynë menjëherë, ndërsa hetimet për të përcaktuar shkakun e zjarrit janë në zhvillim.