Një banesë private në lagjen nr. 10 të qytetit të Korçës u përfshi nga zjarri, i cili dyshohet se nisi nga një shkëndijë elektrike në kondicioner. Flakët u përhapën në të gjithë banesën, duke shkaktuar dëme materiale të konsiderueshme. Në vendngjarje mbërritën dy mjete zjarrfikëse që arritën të shuajnë flakët, ndërsa familja që banonte aty u evakuua në kohë dhe nuk pësoi asnjë lëndim. Policia po vijon hetimet për të zbardhur rrethanat e ngjarjes, ndërsa zjarri nuk paraqet rrezik për banesat përreth.