Një zjarr i madh ka përfshirë zonën e Abazës në Krujë, duke vënë në alarm strukturat e emergjencës dhe autoritetet vendore. Operacioni i shuarjes po zhvillohet intensivisht me mbështetje nga ajri, ku janë angazhuar tre helikopterë të Forcës Ajrore, si dhe forcat zjarrfikëse nga Kruja, Kamza, Tirana dhe Vora. Ministrat Ermal Nufi dhe Besfort Lamallari ndjekin nga afër situatën në terren, ndërsa dyshohet se zjarri është shkaktuar nga dora e njeriut, duke ngritur shqetësime për zjarrvënie të qëllimshme. Për shkak të terrenit të thepisur, ndërhyrja nga toka është e vështirë, ndaj operacioni po zhvillohet në mënyrë të koordinuar nga toka dhe ajri, me synimin për të izoluar vatrën dhe për të mbrojtur banesat e rrezikuara.