Një zjarr i fuqishëm ka përfshirë pasditen e së mërkurës kodrën e Kuzum Babasë në Vlorë, duke djegur shkurre dhe bimësi në një sipërfaqe të konsiderueshme. Forcat e Shërbimit Zjarrfikës të Vlorës reaguan menjëherë dhe po punojnë intensivisht për të izoluar dhe shuar flakët, me qëllim parandalimin e përhapjes së zjarrit në zona të tjera. Situata paraqitet shqetësuese për shkak të pranisë së banesave në afërsi të vatrës së zjarrit, si dhe pranisë së Teqesë së Kuzum Babasë, një objekt me rëndësi fetare dhe historike për qytetin. Zjarrfikësit vazhdojnë angazhimin e tyre për të shmangur dëme më të mëdha dhe për të mbrojtur komunitetin dhe trashëgiminë kulturore.