Në fshatin Rras të Njësisë Administrative Ungrej në Lezhë, zjarri është riaktivizuar dhe aktualisht ka mbi pesë vatra aktive që po përhapen me shpejtësi. Edhe pse gjatë ditës u ndërhy me mjete nga toka dhe ajri për të vënë situatën nën kontroll, flakët janë rikthyer dhe po afrohen pranë zonave të banuara, duke rritur shqetësimin e banorëve. Komuniteti kërkon ndërhyrje të menjëhershme nga strukturat e emergjencës për të frenuar përhapjen e zjarrit dhe për të shmangur dëmet në banesa. Situata vijon të monitorohet nga autoritetet, ndërsa nevoja për veprime të shpejta mbetet thelbësore për parandalimin e përkeqësimit të situatës.