Një zjarr masiv ka shpërthyer pasditen e së hënës në Malet e Budakovës, në Komunën e Suharekës. Në vendin e ngjarjes kanë dalë menjëherë ekipet e zjarrfikësve dhe Policia e Kosovës, të cilët po punojnë për të vënë situatën nën kontroll. Kryetari i komunës, Bali Muharremaj, është gjithashtu prezent në terren, ndërsa ende nuk dihet shkaku i zjarrit apo sasia e sipërfaqes së djegur. Nuk ka raportime për persona të lënduar apo dëme materiale, por situata mbetet në monitorim dhe priten informacione të reja.