Një zjarr i përmasave të mëdha shpërtheu mbrëmjen e së premtes në malin e Shëngjinit, në lagjen Sakë, duke vënë në alarm forcat zjarrfikëse. Pas një pune intensive gjatë gjithë natës me 6 mjete zjarrfikëse dhe ndërhyrje nga ajri për shkak të terrenit malor të vështirë, flakët janë vënë nën kontroll dhe situata po shkon drejt normalizimit. Era e fortë, që gjatë natës favorizoi përhapjen e zjarrit, është ulur, duke lehtësuar punën e forcave në terren, të cilat vazhdojnë izolimin dhe shuarjen e vatrave aktive. Fatmirësisht nuk ka dëme në banesa apo biznese, nuk raportohet për persona të lënduar, dhe qarkullimi në aksin Lezhë–Shëngjin vijon normalisht, duke lejuar pushuesit të vazhdojnë qëndrimin në zonë pa shqetësime.