Operacioni për shuarjen e zjarrit në zonën e Milotit po përfundon pas ndërhyrjes së koordinuar nga ajri dhe toka. Në terren janë angazhuar pesë mjete zjarrfikëse, forcat e ushtrisë dhe emergjencat civile të Bashkisë Kurbin, të cilët kanë punuar për neutralizimin dhe frenimin e përhapjes së flakëve. Megjithë rrezikun dhe afërsinë me zonat e banuara, fatmirësisht nuk është dëmtuar asnjë banesë. Aktualisht, ekipet vijojnë shuarjen e vatrave të mbetura për të parandaluar riaktivizimin e zjarrit.