Mëngjesin e sotëm në rrugët “Simon Shiroka” dhe “Sylejman Vokshi” në Prishtinë ka shpërthyer një zjarr që ka përfshirë disa kontejnerë mbeturinash. Flakët janë përhapur dhe kanë dëmtuar dy vetura, njëra prej të cilave i përket një personi me aftësi të kufizuara. Ekipet e zjarrfikësve dhe policia kanë dalë menjëherë në vendin e ngjarjes për të lokalizuar zjarrin dhe për të nisur hetimet. Aktualisht, nuk raportohet për persona të lënduar, ndërsa hetuesit policorë po punojnë për të sqaruar shkaqet dhe rrethanat që çuan në këtë incident.