Një zjarr i fuqishëm ka dalë jashtë kontrollit prej dy ditësh në fshatin Gojan të Madh të Pukës, duke shkaktuar dëme të mëdha. Në lagjen ‘Pepaj’ janë djegur tri banesa, ndërsa flakët po përparojnë me shpejtësi drejt zonave të banuara. Ministria e Mbrojtjes ka urdhëruar evakuimin e banorëve që ndodhen në rrezik, ndërsa situata mbetet kritike dhe po monitorohet nga autoritetet. Ndërhyrjet për shuarjen e zjarrit vazhdojnë, me qëllim parandalimin e përhapjes së mëtejshme të flakëve.