Një zjarr i fuqishëm përfshiu një qendër kujdesi për fëmijë në lagjen Mohammadia të Algjerit, duke shkaktuar vdekjen e 11 personave dhe plagosjen e 19 të tjerëve. Zjarrfikësit nisën ndërhyrjen rreth orës 03:30 të mëngjesit të së enjtes dhe punuan për më shumë se tre orë për të shuar flakët, ndërsa shkaku i zjarrit mbetet ende i paqartë. Mes viktimave dhe të plagosurve janë edhe pesë persona me nevoja të veçanta, të cilët u evakuan dhe u dërguan në një vend të sigurt. Presidenti algjerian Abdelmadjid Tebboune shprehu ngushëllimet e tij për humbjen tragjike, ndërsa kryeministri Sifi Ghrieb vizitoi spitalet ku trajtohen të plagosurit, ndërsa Algjeria po përballet me një valë të nxehti dhe mbi 1,000 zjarre në javën e fundit.