Një zjarr i madh ka përfshirë zonën e Shashicës në Vlorë, ku era dhe terreni i thyer po vështirësojnë ndërhyrjen e forcave të emergjencës. Kryetarja e bashkisë, Brunilda Mersini, ka bërë me dije se aktualisht nuk ka rrezik për banesat pasi vatra e zjarrit ndodhet larg zonave të banuara. Forcat e emergjencës janë në terren dhe po punojnë intensivisht për të kufizuar përhapjen e flakëve dhe për të mbrojtur komunitetin. Banorëve u është kërkuar të tregojnë kujdes dhe të lehtësojnë kalimin e mjeteve të emergjencës, ndërsa situata vijon të monitorohet me vëmendje.