Mëngjesin e sotëm një veturë u përfshi nga flakët në rrugën “Marije Shllaku” në Gjilan, duke shkaktuar dëme materiale të konsiderueshme. Policia e rajonit, përmes zëdhënësit Valon Osmani, bëri të ditur se zjarri u lokalizua shpejt dhe fatmirësisht nuk pati persona të lënduar. Në lidhje me këtë incident është njoftuar Prokurori i Shtetit, ndërsa Njësiti i Hetimeve i Stacionit Policor në Gjilan po vazhdon punën për të zbuluar shkaqet dhe rrethanat që çuan në zjarrin e veturës. Hetimet janë në vazhdim dhe autoritetet kërkojnë të sqarojnë nëse zjarri ishte aksidental apo i qëllimshëm.