Një vatër zjarri ka shpërthyer në pyllin e fshatit Voskopojë të Korçës, duke mobilizuar menjëherë forcat e Shërbimit të Mbrojtjes nga Zjarri dhe Shpëtimit. Dy mjete zjarrfikëse dhe efektivë të ndërhyrjes janë nisur drejt vendit të ngjarjes, ndërsa forcat lokale dhe punonjësit e Shërbimit Pyjor janë angazhuar në operacion. Terreni i vështirë ka penguar automjetin zjarrfikës të afrohet pranë flakëve, duke detyruar një pjesë të efektivëve të ndërhyjnë në këmbë. Autoritetet po vlerësojnë situatën dhe do të koordinojnë veprimet e mëtejshme për neutralizimin e plotë të zjarrit.