Një zjarr ka përfshirë disa ara në fshatin Vragolli të Fushë Kosovës, duke alarmuar banorët dhe autoritetet lokale. Ekipet e zjarrfikësve kanë dalë menjëherë në vendin e ngjarjes dhe po punojnë intensivisht për lokalizimin dhe shuarjen e zjarrit. Zëvendëskomandanti i Brigadës Profesionale të Zjarrfikësve në Prishtinë, Abdusamed Shkodra, ka konfirmuar se nuk ka persona të lënduar dhe se zjarri po shuhej në momentin e raportimit. Sipas tij, janë djegur vetëm mbetjet e grunajave, ndërsa operacioni përfundimtar i shuarjes ishte afër përfundimit.