Një lokal i ndërtuar kryesisht me material drusor në zonën fundore të Lungomares në Vlorë u përfshi nga flakët gjatë orëve të mbrëmjes, duke shkaktuar përhapje të shpejtë të zjarrit dhe rrezik për ambientet përreth. Forcat e zjarrfikëses ndërhynë shpejt në vendngjarje dhe arritën të izolojnë flakët, duke parandaluar përhapjen më të madhe të zjarrit. Nuk raportohet për persona të lënduar, por dëmet materiale janë të konsiderueshme. Policia ka nisur hetimet për zbardhjen e shkaqeve të zjarrit dhe ka rrethuar zonën për arsye sigurie.