Një zjarr i madh ka përfshirë zonën pranë shtratit të lumit Mat prej rreth dy orësh, duke u përhapur edhe në afërsi të fshatrave të banuara. Ndërhyrja e zjarrfikësve ka arritur të izolojë flakët për momentin, duke shmangur rrezikun e menjëhershëm për banesat, por situata mbetet shqetësuese për shkak të erërave të forta që favorizojnë përhapjen e zjarrit. Në zonën pranë Fushë-Milotit janë djegur sipërfaqe me ullinj dhe pemë frutore, ndërsa operacionet për shuarjen e zjarrit vazhdojnë intensivisht. Banorët e zonës janë angazhuar me mjete rrethanore për të ndihmuar zjarrfikësit në përpjekjet për të kontrolluar situatën dhe për të parandaluar dëme më të mëdha.