Në fshatin Lekaj të Rrogozhinës, një zjarr i madh ka përfshirë një sipërfaqe toke ku u dogjën rreth 250 pemë ulliri dhe pemë të ndryshme frutore, duke rrezikuar edhe banesat përreth. Policia dhe zjarrfikësit ndërhynë shpejt për të vënë nën kontroll flakët, ndërsa grupi hetimor identifikoi dhe arrestoi në flagrancë autorin e dyshuar, shtetasin N. U., për veprën penale “Shkatërrimi i pronës me zjarr”. Drejtoria Vendore e Policisë Durrës u bën apel qytetarëve të mos ndezin zjarre për djegien e mbetjeve bimore apo për qëllime të tjera, për shkak të rrezikut të përhapjes së flakëve dhe dëmeve që mund të shkaktohen në jetën, pronën dhe mjedisin. Policia gjithashtu inkurajon qytetarët të denoncojnë çdo zjarrvënie apo paligjshmëri në numrin 112, duke garantuar anonimat dhe reagim të menjëhershëm.