Një automjet i braktisur prej muajsh në rrugën “Zoran Gjingjiq” në Mitrovicën e Veriut u përfshi nga flakët të premten pasdite rreth orës 15:00. Zjarrfikësit ndërhynë për të lokalizuar zjarrin, ndërsa eksperti i zjarreve vlerësoi se shkaktimi i zjarrit dyshohet të ketë qenë i qëllimshëm. Policia dhe prokuroria kanë nisur hetimet për veprën penale “Zjarrvënie” dhe po punojnë për identifikimin e autorit dhe zbardhjen e plotë të ngjarjes. Viktima është një femër kosovare, ndërsa automjeti i djegur ishte një Opel Corsa, i cili kishte qenë i parkuar në atë vend që nga fundi i vitit të kaluar.