Për më shumë se 24 ditë, autoritetet kosovare zhvilluan gërmime intensive në Kalludër të Vogël të Zubin Potokut, ku u zbuluan mbetje mortore të 23 personave të zhdukur gjatë luftës në Kosovë. Zona ishte e rrethuar me shirita sigurie dhe ndalohej hyrja e personave jozyrtarë, ndërsa rruga për të arritur aty u zgjerua dhe u hapën trase të reja. Përveç varrezës masive, në afërsi u gjetën edhe armë, uniforma dhe pajisje ushtarake, të cilat u ekspozuan në Mitrovicë. Tani ka nisur procesi i identifikimit të mbetjeve, ndërsa tre persona me shtetësi serbe janë arrestuar për dyshimin e përfshirjes në vrasjen dhe zhdukjen e viktimave.