Sot shënohen 11 vjet nga vdekja e akademik Pajazit Nushi, një figurë e shquar e arsimit dhe shkencës shqiptare, i njohur si “Simboli i dijes dhe paqes”. Ai u lind në Gjakovë më 1933 dhe zhvilloi një karrierë të gjatë si profesor i psikologjisë, duke dhënë kontribut të rëndësishëm në arsimin e Kosovës dhe më gjerë. Gjatë jetës së tij, Nushi mbajti pozicione të rëndësishme administrative dhe akademike, përfshirë edhe rolin e rektorit të kolegjit universitar “Iliria” dhe anëtarësinë në Akademinë e Shkencave dhe Arteve të Kosovës. Ai la pas një trashëgimi të pasur me botime dhe studime në fushën e psikologjisë, si dhe u nderua me shumë çmime dhe dekorata për kontributin e tij në edukim dhe kulturë.