Më 21 maj 1912 u mbajt Kuvendi i Junikut, një ngjarje kyçe në historinë e Shqipërisë, ku udhëheqësit e kryengritjes shqiptare vendosën të bashkërendojnë veprimet në një kryengritje kombëtare. Në këtë kuvend morën pjesë 250 delegatë nga Vilajeti i Kosovës dhe sanxhakët e Dibrës, Shkodrës e Elbasanit, të udhëhequr nga figura të njohura si Hasan Prishtina, Bajram Curri dhe Isa Boletini. Ata vendosën të vazhdojnë kryengritjen e armatosur, lidhën besën dhe miratuan një program politik që kërkonte autonominë e Shqipërisë, administratë shqiptare, përdorimin e gjuhës shqipe me alfabet kombëtar dhe ngritjen e flamurit shqiptar në të gjithë vendin. Ky kuvend u njoh edhe nga ministri i brendshëm turk, i cili deklaroi se kryengritësit po krijonin mundësi për të mbajtur lirisht këtë kuvend, duke paralizuar veprimet e elementëve turkomanë brenda lëvizjes.