Sheshi historik Grand-Place në Bruksel është mbuluar me një qilim gjigant prej më shumë se 700 mijë lulesh, kryesisht dahlias, që krijojnë një imazh të frymëzuar nga vepra ikonike japoneze “The Great Wave off Kanagawa” e artistit Hiro Sugiyama. Ky qilim me përmasa 70 metra gjatësi dhe 24 metra gjerësi është realizuar me 16 ngjyra dhe përbëhet jo vetëm nga lule, por edhe nga bar dhe lëvore pemësh, duke krijuar një kombinim unik mes natyrës dhe artit. Mbi 100 vullnetarë punuan për rreth gjashtë orë për të vendosur me kujdes çdo lule dhe për të sjellë në jetë këtë projekt artistik që shënon 160-vjetorin e marrëdhënieve diplomatike mes Belgjikës dhe Japonisë. Qilimi i Luleve rikthehet në Grand-Place çdo dy vjet dhe këtë vit mund të vizitohet nga 13 deri më 16 gusht, duke u bërë një nga atraksionet më të veçanta kulturore të Brukselit.