Pas fitores historike të Darës në Eurovision 2026 me këngën "Bangaranga", Bullgaria po përballet me pyetjen nëse do të jetë në gjendje të organizojë edicionin e ardhshëm të konkursit në Sofje. Organizimi i një eventi kaq madhor kërkon një buxhet që llogaritet midis 20 dhe 40 milionë eurosh, një shifër që për vendin me vështirësi financiare paraqet një sfidë të rëndësishme. Kryeministri bullgar Rumen Radev ka shprehur optimizmin e tij duke theksuar se suksesi i Darës është një provë e aftësisë së vendit për të pritur Evropën dhe botën në Eurovision 2027. Arena 8888 në Sofje, një vend me kapacitet prej 13 deri në 15 mijë vizitorësh, konsiderohet si lokacioni më i mundshëm për këtë ngjarje të madhe televizive.