Adam Port dhe Rampa, dy artistët gjermanë të kolektivit Keinemusik, janë bërë emra të njohur globalisht për stilin e tyre unik në muzikën elektronike, duke ndërthurur afro house, melodic house dhe elemente moderne. Hit-i i tyre më i madh, “Move”, një bashkëpunim me producentin Stryv dhe vokalistin Malachiii, u kthye në himnin e verës elektronike të viteve të fundit dhe dominoi platformat streaming dhe skenat e festivaleve ndërkombëtare. Tashmë, dyshja do të performojë në Sunny Hill Festival në Prishtinë, që mbahet nga 31 korriku deri më 2 gusht, duke sjellë një atmosferë elektrizuese dhe duke u bashkuar me emra të mëdhenj si Katy Perry dhe Martin Garrix. Ky event ofron një mundësi të rrallë për fansat në Kosovë dhe më gjerë të përjetojnë live artistët që kanë formësuar tingullin modern të muzikës elektronike në nivel global.