Adam Port, një nga emrat më të njohur të muzikës elektronike dhe pjesë e kolektivit gjerman Keinemusik, do të performojë në Sunny Hill Festival 2026 në Prishtinë. Ai është i njohur globalisht për hitin e verës “Move”, një bashkëpunim me Stryv dhe Malachiii, që u kthye në një fenomen ndërkombëtar në platformat streaming dhe festivale. Përveç Adam Port, në festival do të jetë edhe DJ Rampa, gjithashtu nga Keinemusik, i njohur për setet atmosferike dhe stilin unik të miksimit. Sunny Hill Festival do të mbahet nga 31 korriku deri më 2 gusht, me emra të mëdhenj si Katy Perry dhe Martin Garrix, ndërsa biletat janë tashmë në shitje në faqen zyrtare.