Violonçelistja dhe kantautorja kubane Ana Carla Maza performoi në një koncert madhështor në periferi të Prishtinës, pjesë e turneut të saj botëror “Alamar Tour”. Me një repertor që përfshinte këngë në spanjisht, frëngjisht dhe portugalisht, ajo solli një univers tingujsh që përzienin kujtesën, dashurinë dhe kulturën e saj kubane me ndikime ndërkombëtare. Koncerti u karakterizua nga një atmosferë intime dhe emocionuese, ku violonçeli i saj u shndërrua në një bashkëbisedues shpirtëror, ndërsa bendit i shtuan ngjyrë ritmet autentike latine. Ana Carla Maza foli hapur për rrugëtimin e saj artistik dhe personal, duke përqafuar dhimbjen dhe lumturinë përmes muzikës, dhe bëri thirrje për mbështetje ndaj popullit kuban në një kohë sfidash politike dhe ekonomike.