Ansambli i Këngëve dhe Valleve “Kemajl Azizi” përfaqëson Kosovën në edicionin e 40-të të Festivalit Ndërkombëtar të Folklorit në Lublin, Poloni. Artistët kanë prezantuar folklorin shqiptar me kostume tradicionale dhe një program artistik që thekson trashëgiminë kulturore të vendit tonë. Paraqitja e tyre është pritur shumë mirë nga publiku dhe pjesëmarrësit ndërkombëtarë, duke lënë mbresa të thella dhe duke promovuar me krenari kulturën e Kosovës. Ansambli falënderon Komunën e Vitisë dhe Ministrinë e Kulturës për mbështetjen, duke vlerësuar këtë pjesëmarrje si një mundësi të rëndësishme për të shpalosur vlerat kulturore në arenën globale.