Agjencia Shtetërore e Arkivave të Kosovës ka shënuar 75-vjetorin e themelimit me nënshkrimin e një marrëveshjeje bashkëpunimi me Arkivin Kombëtar të Hungarisë. Ky bashkëpunim synon shkëmbimin e përvojave dhe forcimin e sistemit të menaxhimit të trashëgimisë dokumentare në Kosovë. Sekretari Përgjithshëm i Ministrisë së Kulturës dhe Turizmit, Bislim Bislimi, theksoi rëndësinë e mbështetjes së shteteve partnere për konsolidimin e arkivave kosovare. Zv.drejtori i Arkivit të Shqipërisë, Endrit Musaj, vlerësoi rolin e pazëvendësueshëm të Arkivit të Kosovës në ruajtjen dhe promovimin e trashëgimisë dokumentare gjatë 75 viteve të funksionimit të tij. Gjithashtu, me këtë rast po organizohet “Java e Arkivit të Hapur”, ku studentë, studiues dhe të interesuar do të kenë mundësi të njihen me punën e arkivit.