Artistët kosovarë kanë organizuar ekspozitën “Artistët në hap me luftëtarët” në Prishtinë, me rastin e përvjetorit të fillimit të gjykimit në Hagë ndaj krerëve të Ushtrisë Çlirimtare të Kosovës. Në këtë ekspozitë u prezantuan piktura të ndryshme që shprehin pakënaqësinë ndaj proceseve gjyqësore, të cilat sipas tyre janë të padrejta dhe godasin jo vetëm ushtarët, por edhe viktimat dhe refugjatët e luftës. Kryetari i Shoqatës Artistët për Artistët, Veton Gusia, theksoi se artistët gjithmonë kanë qenë pjesë e ngjarjeve historike dhe politike të Kosovës dhe sot shprehin revoltën e tyre përmes artit. Ismail Tasholli nga “Liria ka Emër” falenderoi artistët duke theksuar rëndësinë e aktivizmit në art dhe rolin e tyre në ruajtjen e vlerave kombëtare.