Sunny Hill Festival 2026 në Prishtinë do të jetë një nga edicionet më të mëdha, me artistë ndërkombëtarë si Katy Perry, Martin Garrix dhe Lewis Capaldi që do të ngjiten në skenë. Artmotion rikthehet si partner kryesor, duke sjellë konceptin inovativ “Sporti si Kulturë Urbane” që bashkon muzikën, sportin, teknologjinë dhe kreativitetin në një hapësirë të vetme. Një nga atraksionet kryesore do të jetë Artmotion Stage me dy kate, ku do të zhvillohen aktivitete, takime me mysafirë specialë dhe përmbajtje ekskluzive gjatë gjithë festivalit. Në Chill Zone do të rikthehet instalacioni i njohur i topit, i ridizajnuar me një identitet modern, duke ofruar një ambient relaksi dhe socializimi për vizitorët, ndërsa Artmotion do të transmetojë live intervista dhe momente nga zemra e festivalit.