Baleti Kombëtar i Kosovës u prezantua me sukses në edicionin e 23-të të Festivalit Ndërkombëtar të Baletit në Bodrum të Turqisë, duke sjellë dy shfaqje të veçanta, “Boléro” dhe “Correr o Fado”. Në veçanti, koreografia e “Boléro”-s, e punuar nga Mehmet Balkan dhe bazuar në kompozimin e Maurice Ravel, tërhoqi vëmendjen e publikut për strukturën e saj ritmike dhe zhvillimin dramatik në rritje. Festivali, i organizuar nga Drejtoria e Përgjithshme e Operës dhe Baletit Shtetëror të Turqisë, ofroi një platformë të rëndësishme për promovimin e artit të baletit nga Kosova. Performanca e Baletit Kombëtar u prit me entuziazëm nga artdashësit, duke lënë një përshtypje të thellë dhe duke kontribuar në afirmimin e kulturës shqiptare në arenën ndërkombëtare.