Banka Ekonomike ka rinovuar për të katërtin vit radhazi marrëveshjen e bashkëpunimit me Prizren Fest, duke theksuar rëndësinë e kulturës si shtyllë të zhvillimit të qëndrueshëm shoqëror. Ky partneritet vjen në një moment të veçantë, pasi banka feston 25-vjetorin e themelimit, ndërsa festivali shënon edicionin e pestë, duke sjellë artistë dhe trupa teatrore nga vende të ndryshme në qytetin historik të Prizrenit. Përmes kësaj bashkëpunimi, Banka Ekonomike investon në promovimin e kreativitetit dhe fuqizimin e komunitetit, duke e konsideruar mbështetjen e kulturës si një investim në identitetin dhe të ardhmen e vendit. Zëvendës Drejtoresha Ekzekutive, Hamide Gashi, theksoi se kjo marrëveshje është dëshmi e përkushtimit të bankës për vlera afatgjata që kontribuojnë në zhvillimin shoqëror dhe afirmimin e Kosovës si destinacion kulturor.