Biblioteka Kombëtare e Kosovës “Pjetër Bogdani” organizoi një aktivitet letrar me nxënës të shkollave fillore dhe të mesme të ulëta për të shënuar 28-vjetorin e “Epopesë së UÇK-së”. Në këtë aktivitet, i cili u mbajt në amfiteatrin e madh të bibliotekës, u shpallën fituesit e konkursit letrar me temë “Epopeja e UÇK-së”. Konkursi kishte mbi 350 pjesëmarrës nga e gjithë Kosova, të cilët konkuruan në tri kategori: poezi, ese dhe tregim. Juria vlerësoi punimet dhe ndau tri çmime kryesore për Edita Ismajlin, Hana Tetovën dhe Eris Laqin, ndërsa mbi 30 nxënës të tjerë u nderuan me mirënjohje për pjesëmarrjen dhe kontributin e tyre.