Në mbrëmjen e fundit të PrizrenFest, shfaqja teatrore braziliane “A Scream in the Dark / Britmë në Errësirë” u prezantua në ambientin simbolik të Burgut të Qytetit në Prizren, duke krijuar një përvojë unike ku arti dhe historia u bashkuan për të sjellë në pah dhimbjen dhe rezistencën e grave të burgosura gjatë regjimit ushtarak në Brazil. Përmes interpretimit të fuqishëm dhe gjuhës shumëdimensionale skenike, aktoret sollën rrëfime të dhimbshme që prekën thellë publikun, duke e bërë atë dëshmitar të një historie që tejkalon kufijtë gjeografikë dhe kohorë.