Më 28 korrik shënohet Dita Botërore e Hepatitit, një ngjarje ndërkombëtare që synon të rrisë ndërgjegjësimin për hepatitin viral dhe pasojat e tij serioze. Kjo datë është zgjedhur për të nderuar profesor Baruch Blumberg Samuel, zbuluesin e virusit të hepatitit B dhe vaksinës së parë kundër tij. Hepatiti, një inflamacion i mëlçisë që shkaktohet nga disa lloje viralesh, përfshin forma që mund të çojnë në sëmundje kronike, cirrozë dhe kancer të mëlçisë, por që mund të parandalohen dhe trajtohen në kohë. Ekspertët theksojnë rëndësinë e vaksinimit, testimeve dhe edukimit për të parandaluar përhapjen e sëmundjes dhe për të përmirësuar shëndetin publik në mbarë botën.