Në Qendrën Korrektuese për Femra në Lipjan është përkujtuar Dita e Shën Gjergjit me një aktivitet simbolik dhe bashkues, ku morën pjesë 10 të burgosura së bashku me stafin e oficerëve. Në kuadër të kësaj dite, u organizua përgatitja e ushqimit tradicional Flija, që përfaqëson fillimin e gjallërisë dhe rigjallërimin e jetës. Drejtori i Qendrës, Ylber Topalli, ishte prezent në këtë ngjarje, duke theksuar rëndësinë e mesazhit që lidhet me ardhjen e pranverës dhe frymën e re pozitive brenda institucionit. Ky aktivitet synon të forcojë ndjenjën e bashkëpunimit dhe shpresës mes të burgosurve dhe stafit, duke sjellë një atmosferë më njerëzore dhe motivuese.