Në Librarinë Dukagjini u promovua libri “Ditari i Dhimbjes” i autores Diellza Jakupi, një vepër e dedikuar vëllait të saj, i cili humbi jetën nga një sëmundje e rëndë në vitin 2024. Gjatë promovimit, Diellza ndau emocionet e saj të thella, duke lexuar poezinë e parë të shkruar pas humbjes së Arianit dhe duke përshkruar dashurinë që nuk shuhet as në ikje. Autorja shpjegoi se dhimbjen e saj e ktheu në forcë, duke krijuar këtë libër, ndërsa të ardhurat nga shitja do të ndihmojnë njerëzit që vuajnë nga e njëjta sëmundje. Promovimi mbushi sallën me të afërm dhe dashamirës të librit, ndërsa vepra u vlerësua edhe nga recensentët dhe moderatorja.