Doktoresha Venera Berisha-Muharremi përfaqëson Kosovën në kongresin vjetor të Shoqatës Amerikane të Endokrinologjisë, “ENDO 2026”, që po mbahet në Çikago dhe është një nga ngjarjet më të rëndësishme globale në fushën e endokrinologjisë. Në këtë ngjarje marrin pjesë mbi 7,000 shkencëtarë dhe mjekë nga e gjithë bota, të cilët shkëmbejnë njohuri dhe prezantojnë zhvillimet më të fundit në mjekësi. Doktoresha Berisha-Muharremi prezanton një punim shkencor mbi “Photobiomodulimin”, një metodë inovative me laser për trajtimin e sëmundjeve të tiroides, duke përfaqësuar me krenari Kosovën dhe Universitetin e Prishtinës. Ajo e konsideron këtë pjesëmarrje si një sukses të rëndësishëm për mjekësinë kosovare dhe një mundësi për të promovuar punën shkencore të realizuar në vend para ekspertëve më të njohur ndërkombëtarë.