Këngëtarja me origjinë shqiptare Donna Dafi ka publikuar këngën dhe videoklipin e saj të ri “GODDESS”, pjesë e kapitullit artistik “Primadonna Era”. Kënga përmban një mesazh të fuqishëm për vetëbesimin dhe vlerën e brendshme të gruas, duke theksuar se edhe në momentet e pasigurisë, fuqia personale nuk duhet harruar. Përmes vargjeve reflektuese, Donna shpreh lënien pas të kaluarës dhe përqafimin e forcës së brendshme, duke ndërtuar kështu një identitet artistik sensual dhe të thellë. “GODDESS” është një vazhdimësi e krijimeve të mëparshme të saj, që ndërthurin muzikën pop me elemente R&B dhe eksplorojnë tema si identiteti dhe zhvillimi personal në një kontekst ndërkombëtar.