Reperi kanadez Drake do të jetë tema kryesore e një kursi universitar të ri në Universitetin Concordia në Montreal, i cili nis në semestrin e vjeshtës 2026. Kursi me titull “Drake: Media, Miti dhe Maskuliniteti” do të analizojë karrierën e tij, ndikimin në industrinë muzikore dhe mënyrën se si është ndërtuar imazhi publik i artistit. Lënda është pjesë e programit më të gjerë “Hip-Hop: E kaluara, e tashmja dhe e ardhmja” dhe do të drejtohet nga reperi dhe profesori Yassin “Narcy” Alsalman, i cili ka përvojë në zhvillimin e kurseve universitare mbi reperë të njohur si Kanye West. Gjatë leksioneve do të trajtohen edhe tema si ngritja e kompanisë diskografike OVO, marrëdhënia mes artit dhe kapitalizmit, fenomeni i “stream farms” dhe sfidat ligjore në industrinë muzikore bashkëkohore.